2009年4月26日

荒謬影話: Knowing 地球毀滅密碼

講真, Nicolas Cage連仆幾部, 對佢已經有戒心. 但見係"i-Robot"既導演新作, 理應會有睇頭, 點知係一廂情願.
套戲又長又冗又多洞, 由一開始已經知"乃野". 點解小女孩唔同人講? 佢個女又唔信? 去到現代, 點解作為一個教授又唔同政府合作而自己去阻止災難呢? 呢頭話手機無訊號, 果頭又打得通喎.
但最最最可怕係夠膽敢索性將聖經拍出黎, 結尾一場睇完真係笑左出黎. 竟發現成部戲既潛台詞係: 要信聖經! 真係諗唔到呢部戲可以咁宗教, 心諗比任何一部宗教電影更正宗.
作為一部B級片, 特技都算B-C級. 慶幸個別調度場面不錯如撞機一段, 電腦cg差極但場面調度得唔錯. 似乎而家搵片睇真係好難捉, 呢類衣櫃宗教片真係避無可避.


(40/100)

2 則留言:

Agnes Tse 說...

基治好學唔學, 學渣住煲茶. 佢呢幾年d戲好唔掂. 真懷念他從前拍小品拍得比大製作更出色的年代.

mysimplelife 說...

佢對上一部佳作已經係幾年前既"Lord of the War".