2009年4月22日

小心惠康一種貨品兩個價錢

之前已經試過五包散裝出前一丁同一pack過五包裝出前一丁, 放響同一位置最頂同最低既貨架上, 價錢係相差左一蚊. 今次胃匡再接再勵!
話說要買八罐裝七喜汽水, 通常係平過廿蚊. 但今晚見到加到二十蚊零九毫, 心諗經濟差仲加價之際, 見到同一位置最低一排貨架有另一個價錢牌係十九個九. 嘩! 想
點呀? 人看低處有著數呀?收錢時見到汽水過機時係二十蚊零九毫, 即時向收銀阿姐反映有兩個價錢, 阿姐搵左個哥仔去調查, 亦證實係有兩個價錢, 之但係哥仔除左個十九個九個價錢, 咁點呀?結果, 我一睇張單, 二十蚊零九毫價錢被取消, 改成十九個九. 雖則我好似無損失, 但係之後既顧客就要捱貴汽水. 所以大家去超市買野真係要一眼關七, 免得買貴野.

3 則留言:

akira 說...

其實唔關捱唔捱貴事囉
因為19.9果個價錢係上一個period既price
佢只係執漏左舊既價錢牌

aulina 說...

唔只架,有時你以為pack裝買平,結果係散裝買平架!!! 所以作為一個由細格價格到大嘅師奶,我個腦係記住哂所有我常用物品嘅價錢的,呢d嘢交俾工人做都冇用,一定要自己記記記。

mysimplelife 說...

akira: 如果佢同我講執漏左舊價錢牌又收我20.9, 我會ok, 但而家又收牌但又收我舊價錢, 我覺得太混亂, 唔能夠接受.

娜姐: 自上次出前一丁事件後, 我已經眼觀四方, 所以今次先發現呢伴事.