2009年4月4日

我的HKIFF 2009 (Day 4)

事隔十七年, 我同Terence Davies再響電影節相遇. 不過今次唔再係佢既童年回憶, 反而係佢對利物浦Liverpool呢個城市唸一篇七十幾分鐘既詩句.
雖然響利物浦我只係個過客, 亦未曾深入去了解呢個城市. 但利物浦對我黎講仍然有佢既個人魅力, 始終係我一個又愛又恨既城市. 最近Google Map既Street view又將我帶返到呢個城市, 發現離開左八年, 原來有好多地方都變左. 好奇地走去J既大門一望, 但係就依然無變.
其實部片雖然有好多陳年生活片段, 但又唔全套都係有關利物浦, 對宗教皇室戰爭都有觸及, 有時輕鬆有時哀傷, 就跟大家黎一次Merseyside tour.


Of Time and the City 城市流光

唉~ 自上次"天使"之後話過唔會再睇洪先生既作品, 完全係一個受苦既經驗. 之但係為左支持K先生而捧場, 結果又係另一個受難既經驗.
作為第一部長片, 理應可以寬大面對. 但只不過實在太糟, 太長太多沙石就連講故仔既能力都無, 實在睇到一頭煙. 就正如佢自已即場介紹部戲都可以結巴巴詞不達意, 很難想像佢明唔明自已套野究竟想表達D乜.
見今趟多左歐洲資金, 正如大劉話齋: 有個錢就身痕. 香港部份還可以, 瑞士一段就變成硬銷式寰宇風情, 真係有D頂唔順.


Soundless Wind Chime 無聲風鈴

7 則留言:

K先生 說...

首先多謝支持。
其實而家睇到既版本係比我個時睇初剪版好睇好多…

K先生 說...

補充︰亦因為睇過初剪版既關係,我反而覺得而家個版本唔錯。

Guy 說...

我也看了無聲風鈴

看了也不大知道故事是甚麼,聽了導演解說,好像很多象徵似的……

mysimplelife 說...

Guy兄: 其實因為肚餓, 我無留低聽佢會面, 但請問可唔可以大致講所謂象徵大約係乜? 例如阿婆大唱"打噴嚏".(有D LB既感覺!) 又或者瑞士一段有乜關係?

Kurt仔: 其實部戲至少配樂做得好好, 有幾個位都可以帶起情緒. 只係劇情真係令人有D迷失.

K先生 說...

瑞士部分係唔夠錢拍,所以會睇到一頭霧水。
同埋好多位都剪得好碎。

Guy 說...

事隔一周,都忘了 (汗..),只記得大噴嚏那段沒解釋

不過那本電影節特刊裏導演的話也有一點解說

Guy 說...

還有

我還覺得電影有點夫子自道