日日足三両

尋日諗食晏時突然靈光一閃, 老麥最近將足三両全日供應, 其實之前晚上供應時都試過一次. 不過因為太夜, 同B一齊分享一個包都飽到想嘔. 今次心諗日光日白當正餐, 就算double足三両都應付到卦...食完後, 原來份量都ok, 不過如果薯角减半或改番薯條或者效果更佳. 最正係兩塊厚牛肉都多汁, 並唔太乾, 只係頂層太多汁同芝士, 反而包底過乾, 唔太平均.去到今日, B又話要整個老麥午餐, 結果又encore足三両. 今次只叫普通足三両, 份量減少左, 但似乎比double更易入口, 唔會因為底層太乾影響口感.