荒謬影話: Holding Trevor 誰來, 愛我?

原來之前已經響同志影展放映過, 我諗我真係睇漏眼, 好在台灣仍然係個好地方, 乜野片都會輸入.
主人翁決定離道友男友, 遇上好心醫生, 原本以為有好發展, 點知舊男友癮起回歸, 衝擊新戀情.
從編導演都掌握得唔錯, 雖然成本低兼業餘, 但至少看出用心並唔係一般坊間賣肉求財既基片. 其它描寫主角兩位友人都相當立體, 尤其女角遇上突變後既描寫都相當唔錯. 只可惜尾段突變成一個個獨立片段式MV, 較為失敗, 總括稍有驚喜.