2009年5月7日

是日瘋狂入手


大清早收到公司內部電郵話已結業既影帶部門朝早有員工清貨大減價, 大家真係丟低工作衝落樓下執平野. 上次十蚊一張電影DVD已經超割喉, 今次更加只係五蚊一張講真吸引力加倍!
場內一二三區港美韓日版DVD乜都齊, 大家真係好似唔駛錢咁不停掃貨. 我都執左十幾套戲外加電視劇集兩輯. 有D甚至係絕版碟又或者連佢地既公司library既孤本都拎埋出黎賣. 其中有部戲之前B曾經問過佢地有無存貨, 但影視部門既同事話已經絕版唔會再出, 但諗都諗唔到竟然響今次大清貨中搵到隻佢地既library copy, 好運到底~

4 則留言:

Agnes Tse 說...

你就好啦, 放低手頭上工作去執寶.

話事話, 唔可以再擺落去, 不得已掉左部份DVD盒.

mysimplelife 說...

都係落左去半個鐘, 不過掃完貨番上黎就hihi, 大堆工作email會議湧埋黎, 真係未停過手直至夜晚七點先搞掂.
存放係個問題, 但保養都係個問題, 如果只係放響一本相簿型碟本, 我諗D碟好快會發霉. 不過今次入呢批華納碟好多仲係用紙皮盒case, 都驚會發霉.

aulina 說...

嘩... 我見到有隻係我N年前譯LD字幕匣時譯落架!哈哈,唔知係咪仲係用翻我果陣d舊貨呢?

mysimplelife 說...

字幕盒呢家野基本上係好非官方, 所以我諗官方既版本可能有所出入.