終於有覺好瞓

之前講過前排頻頻失眠, 就算周末前後都可以失眠. 用盡所有辦法, 結果都係成晚眼光光.
有日去Body Shop買洗面膏, 佢地向我sell呢隻"Deep Sleep"既噴霧, 成份有有機甘菊, 棗子精華, 天竺葵、杜松同埋廣藿香香薰精華油 只要噴少少響身或枕頭就可以令人鬆弛容易入睡. 第一晚我嘗試噴少少響頸同手就走去瞓, 但似乎仍然有半晚眼光光. 第二晚就試噴落枕頭, 果然當晚一睡到底. 起初我都怕會倚賴, 所以試一兩晚唔噴, 結果係50/50, 有時仍然眼光光, 有時仍有聒睡. 我諗我仍然會用呢種噴霧, 至少平日都要有覺好瞓.