2009年5月6日

財到光棍手

過去兩個月, 我父母都遇上奸商, 兩次都要我出馬擺平, 驚覺原來所謂大機構都有枯枝.
第一單又係無線收費電視, 係呀, 又黎勒. 今次向父母話檢查天線. 神奇在我父母又放佢地入屋, 今次佢向我父母話因為大廈既衛星天線(??)係佢地保養, 所以向佢地介紹可以睇多好多個台. 我父母又一知半解答應裝解碼盒, 直至細妹番到屋企, 見到有人裝緊無線收費電視既解碼盒, 我父母先知又上左檔, 最慘係佢地簽左18個月合約兼預繳三個月月費. 細妹有打電話上去要求解約, 當然無結果啦. 我唯有借助傳媒力量同有關公司跟進. 過程就唔想咁詳細, 不過想講係有關公司話明有齊白紙黑字再加電話真人確認, 我父母確係響知情下有簽約. 有傳媒亦都話呢間公司係好狡滑, 就算前線員工如何呃人, 佢地有另一條線令到奸計成功. 最後, 無線收費電視都願意跟我父母解約, 不過已經預繳既月費就無得拎番. 唉, 財到光棍手喎...
第二單更加正, 又係發生響我父母身上. 今次係PCCW. 上個月我父親收到PCCW既來電向佢推介續約新優惠, 但我父親又猶疑不決, 有關職員問我父親身份證號碼確認身份後, 我父親話要考慮一下就收左線. 當晚我父親係有致電俾我有關呢件事, 我都立即打上去確認我父親無續約. 直到尋日, 我父親收到PCCW既續約確認信. 又中計!! 睇怕又係打去12022既時候.

1 則留言:

小張 說...

我老爸亦在早幾個月前放左d收費電視推銷人揸入屋, 又係話幫佢攪個搖控什麼什麼, 結果梗係中左招, 最後找議員擺平, 不過都交左兩個月錢, 最慘係我老爸跟本唔識用佢個搖控睇個收費台 :<
我叫佢以後都唔好放人入屋。