兩傻遊台灣2009 (4)

是日行程係到台中, 為免再次身水身汗由酒店行去捷運站轉車去左營, 所以決定"打的"去左營, 原本一望地圖都知路途遙遠, 但諗唔到遠到咁誇張.車站, 月台甚至列車都好似好接近日本既"子彈火車". 坐上火車, 座位空間好闊, 就算腳前放一件行李都可以. 行車都好平靜穩定, 雖然仍有煩人既電話鈴聲, 但至少無港式大聲說話.我地係搭直通車, 只停台中, 所以只需九個字就到台中. 跟住再搭高鐵既免費接駁巴士到市區, 沿途俾我感覺係番左去十幾年前既深圳. 有好高既摩天大廈隔離亦有好殘破既舊樓攤檔, 亦可以響隧道見到流浪漢周街瞓.響台中我地只有半日時間, 所以選擇左去自然科技館睇下. 地方大就唔在講, 乜都有就更加令香港幾個博物館失色. 原訂行完後想搵賣太陽餅既地方, 點知搵極都唔見. 唯有搭巴士番高鐵站, 點知一上車, 架巴士行左唔夠五個舖位, 連續兩間賣太陽餅既舖頭出現. 唉~番到高雄當晚去左"愛河", 其實河邊兩側風景欠奉, 但係識包裝之下, 愛河之旅就變得好hip.