2009年1月31日

藍光用後初感

部藍光碟機進駐左屋企一個月, 睇唔夠十次. 原因: 我無乜碟可睇.
正如前文所講, 想買既碟又唔多, 將部藍光碟機當DVD機用又好似大材小用. 不過藍光呢個科技又確係令我大開眼界, 以往響VCD/DVD所睇過既影像放在藍光碟上都有好大既改進.
但係始終有幾點仲係唔慣:
1) 開機同load碟時間需時, 有時要等十零廿秒先可以load完隻碟進入menu.
2) 所謂pop up menu: 唔需要離開正片都可以用menu控制功能. 運用上既機會不多, 揀字幕聲道搖控器上已可以做到.
3) 區碼問題. 香港雖然同美國同一區碼, 但係我地響DVD年代慣左全區碼player, 懶你響美國定歐洲買碟, 香港買既DVD機一定係全區碼乜區碼都睇到. 可惜BD player既區碼比較保守, 要睇另一區碼既碟就要自己諗辦法. 好彩因為BD造價好貴, 近呢一年開始多全區碼既BD上市, 以便一批貨就可以全球通行以降低成本.

始終屋企部電視只係HD Ready, 並非全高清. 或者若干年後要換電視時可以換一部全高清電視去發揮藍光既威力.

2 則留言:

aulina 說...

一早都話買部ps3好過架啦... :P

mysimplelife 說...

呵呵~ 娜姐, 咁咪一樣. 我連部PSP已經有兩個星期無掂過. 打機個意慾越黎越細...