生記粥麵

響之前病既日子, 搵野食真係好難. 唔係火腿通粉就係粥, 其他生冷煎炸可免則免.
但係公司附近全部都唔啱食, 好在仲有一間, 據聞係好出名既舖頭: 生記粥麵.
每日都見佢地門口大排長龍, 結果今次趁我病就試下.
叫左個大碗既牛肉粥. 粥好綿而且仲可以搵到一絲絲瑤柱, 真係好夠味. 生滾牛肉外賣拎到番公司都無變成"柴皮". 係我近呢五六年以黎最好味既一碗粥!