3 Day Weekend

呢套電影同好多年前既"Love! Valour! Compassion!"(港譯:反串仍是愛")非常雷同. 甚至乎片中主角們亦有提"反"片, 有少少炒冷飯之嫌.
又係幾pair基佬一齊去渡假從而引發對愛情友情關係既衝激. 片中既一見鍾情老少配又或者open relationship真係包羅萬有一碟過. 不過當年"反"片集中響aids呢個議題, 而呢套戲就毫無主旨, 只在乎借機發揮再加上睇肉家既eyes candy就成就呢一部戲. 內容空洞都預左, 但連演技導技都差到加零一, 就真係令人目瞪口呆. 睇埋DVD入面另一個結局就更加懷疑究竟製作人係想拍套令人回味既同志片定係令人鬧爆既爛片.