wonder....miriam

千嬅未出呢隻碟之前, 實在太擔心, 因為: 1) 西歌如"啦啦誇啦啦"! 2)"大慈善家"無咁西但吸引力實在好弱. 3)就連"明日再會"都係普通過普通道.
接過新碟既第一首"當女飛俠愛上萬能俠"感覺良好, 似係一個好開始. "明日再會"都被上首感染變得一個唔錯既耐聽作品. "撈月亮的人"已經係好耐無見既中國小調式流行曲, 事實上千嬅確係幾適合唱呢一類曲. 可惜跟住既"開心果"同"一葉舟"及"塗鴉"感覺有D過時, 有D似佢響華星時代既作品. 就連演釋上黎都似係無厘心機咁. 就算我D國語有幾唔會, 我都聽唔出呢首"愛過"原來其實係隻國語歌, 聽落真係以為佢用緊廣東話唱緊.
"嬅麗緣"有D似近期關先生與張太果隻"四面楚歌"一樣將歌名串成一首歌, 不過今次佢用盡千嬅所有歌名來串連.
今次呢張碟明顯比上一張更去"老黎"化, 更接近千嬅既風格但可惜楊小姐已經唔再係十八廿二, 風格唔可能重回十年前青春少艾果隻"啦啦誇啦啦", 就連離開金牌最後一張碟時都已經成熟啦, 結果兩年後既今日黎先生竟然將佢重塑成華星時代既楊小姐. 如果咁樣重塑風格可以令歌星reborn, 我諗黎先生自己應該要整番隻"眼睛想旅行"2009年版本.
楊小姐, 你還是離開黎先生吧啦!