2008年9月20日

下次再見...

尋晚, 從第三者口中得知原來我一直幫襯開既按摩師傅早前突然中風, 而家半身不遂.
聽到呢個消息心裡一酸, 上次見佢已經係九個月前, 之後自己一直好忙無再搵佢. 點知竟然發生呢種事, 尤其佢同我年紀相若, 想唔到佢都會中風.
我認識佢差唔多已經有四年多, 最初佢都係初入行, 但係去左間傳统既地方, 佢得到老師傅珍傳, 所以佢係正宗既技術手勢. 多年以來大家由客人變成朋友, 好難得每次見面大家有講唔完既話題.
好可惜到而家事隔幾個月後先知到呢件事, 一來佢既珍傳可能會失傳, 二來我都唔可以再享受大家見面時既交流, 祝願佢會安然過度到餘下既日子.

世事就係咁, 人越近就總係有野令到距離拉遠...

沒有留言: