Face to Face 復刻重現

90年代係香港樂壇衝剌期, 新人新音樂新公司湧現. 其中有現今已成為天皇巨星, 亦有一碟歌星. 其中亦有被迫退出既例子. 就似"Face to Face". 當年亦大有前途, 可惜一場車禍, 令至其中一位成員癱瘓. 結果組合被迫解散. 後黎唱片公司改組退出本地市場, 佢地既唱片再無再版, 後生一輩再難聽到佢地舊既作品.

上星期, 佢地唱片公司重新發行Face to Face第一張唱片: Face to Face. 確係相當感動. 聽番佢地既"Face to Face"又或者"一些", 佢地有佢地既風格. 倫永亮陳澤忠所寫既輕快歌曲比同期另一組合"Echo"所唱既跳舞"蒲歌"來得大路易入耳. 當年佢地既見報率雖然比"Echo"為少, 但受歡迎程度絕對不少於對方.

環顧現今本地樂壇同樣可以咁有風格既組合, 答案係: 零.

伸延閱讀: Face to Face…相隔空氣…