Hot Fuzz 笑死人特警

由第一日知道呢套戲就已經好期待欣賞呢套戲. 可惜3區DVD或連戲院上都無望, 結果響飛機上面睇左呢套戲. 響幾吋既screen睇呢套戲有D對唔住部戲, 番到香港立刻買番隻1區睇多次.

由"Shaun of dead"原班人馬再加英國最top果幾位喜劇演員, 出黎效果非常之突出. 超快既節奏, 急速精彩既剪接, 情節充滿荒謬同衝突, 劇本精密笑料又層出不窮. 確係一部佳作. 尤其片尾喪玩"Point Break"同"Bad Boys"兩片情節亦玩得好搞笑. 不過全片充滿極多血腥暴力鏡頭, 爆頭斬首較剪插喉爆口乜都齊. 心血少真係要諗諗. 亦令我諗起多年前李修賢既小本製作"月黑風高", 一樣既處境, 只差在本地果部節奏太緩慢.

(98/100)