2008年10月15日

兩傻遊濠江2008 (2)

行完威尼斯人有少少肚餓, 食晚餐又太早, 又食多次麵又太重複, 諗住去義順食個雙皮奶, 點知又人山人海. 率之去左禮記食雪榚, 跟住就番酒店瞓個晏覺.
晚飯時候, B問究竟去邊度食好呢? 講真去左咁多次澳門, 連(新)帆船餐廳都試過, 要搵穩陣就只有毛記, 但我倆都頂唔順佢地既"清潔環境". 再加上近日無記幾個飲食節目車輪轉介紹澳門美食, 突然心中有個答案. 因為阿蘇個節目都有介紹呢間餐廳, 其實幾年前已經去過, 價錢ok, 味道一流, 今次番兜唔係無道理.
盡見檯檯都係芝士包, 咪啦! 自己叫左D心水野!

焗鴨飯: 面頭金黃色飯焦, 焗飯入面有鴨絲同葡腸. 鴨油同葡腸既味道已經令個普通既焗飯加分!
葡國雞: 八十幾蚊得五件雞, 但重點係汁唔濃但味濃, 食得出雞係新鮮雞, 因為雞有雞味....

葡腸炒菠菜: 簡單但又好味.埋單都係三百蚊, 抵到震! 晚飯過後始終都係去左義順走一轉! 呵呵~

(代續)

沒有留言: