2008年4月7日

野仔紀念冊WildSketChild

如果一直有聽開商台少爺占既電台節目, 都知佢有隊叫"野仔"既樂隊. 事隔多年後, 佢地又有新搞作, 除左搞音樂會更加出版新曲加精選大碟.
呢張CD結集左上次張EP歌曲再加幾隻新歌. 雖則野仔呢類"疑似"校園樂隊, 歌喉真係唔多有期望, 但音樂上就比較有少少水準. 新歌如"開始"或"地上樂隊"及"生日快樂"都係上乘作品, "我的日記""老地方""相約在八王子"雖則詞較嫩但仍算寫出二字頭既情懷. 重唱"你唔愛我啦"確係基於商業角度, 但Punk版又會係另一種camp味, 諗起以前AMK既camp版哥仔靚.

聽得多艾粒, 聽下野仔算做係中和一下.
P.S. 隻碟個設計真係激死, 諗左成個鐘都唔知點拎隻碟出黎. 因為隻CD真係俾塊超厚咭紙夾住. 原夾要輕輕力屈張咭紙, 隻CD就會彈出黎. 真係無言.

2 則留言:

aulina 說...

你唔愛我喇佢地唱咗之後,我突然覺得隻歌好好聽……ORZ

ling ling 說...

其實, 只要將o個張card 板/cd面向下, 輕輕一拍就攞倒隻cd出黎ga la, 仲唔怕整曲塊板