考古要做功課嗎?

行書店見到明報出左本香港舊相集, 雖然相片都係近廿年以來影既, 未算乜野經典作品. 但見都有少量文字解說, 幾十蚊又無傷大雅.
點知今晚一讀, 就搖頭嘆息, 點解有咁好配套可以出書, 就連資料搜查都懶去做呢? 就拎書中其中一段話西灣河太安樓連同附近太康樓太富樓等等係太古集團早年住宅項目. 就算唔係老街坊都知, 太安樓係六十年代置地公司興建既屏風樓, 至於太康樓太富樓等等確係太古興建不過只係船塢員工宿舍. 呢D料就算唔係經人肉掌故代代留傳, 都可以好容易上網搵到. 真係唔明點解咁有經驗既作者編輯都可以犯咁既錯. 之前一本講本地舊戲院既書入面內容一樣錯漏百出, 究竟而家D所謂作家點解可以咁求其, 少少功課都唔做呢? 真係誤人子弟.