2008年4月22日

難相處的同事

之前做過幾份工, 總會遇到好難相處既同事. 唔係有同事永遠搵我笨就係爭住邀功, 再唔係就係有已婚男同事抽我水一路傾公事一路摸我屁股. 有乜未遇過? 但通常會係遇上無禮貌同事居多.
不過諗住而家呢間公司都算國際上數一數二, 入親去都有番一定學歷或資歷, 點知都係俾我撞正呢類人.
同事E, 女, 廿零歲, 另一個部門工作. 佢個職位其實一D都唔難, 之前兩任都好勝任笑住走. 但到同事E都百八十度改變. 或者係性格問題, 似乎佢唔想撈兼且唔想(識)同其他人和平相處. 句句有骨兼開口埋口完全無禮貌可言, 簡直一句就直插入你心. 起初我都唔信, 有日因為急需睇條片, 成層樓就只得我地部門有部Beta錄放機, 咁啱同事E又用緊部機, 我就好有禮貌問佢可唔可以借用部電腦搵段片一陣. 佢都點頭話: 哦. 咁我就拿拿臨搵段片, 但搵左半分鐘都搵唔到. 同事E突然好唔耐煩問: 你用完未呀? 正所謂: 好佬怕潑婦. 我唯有即刻縮手唔該前唔該後轉身走. 完全感受到同事間所言非虛.
一直以黎, 同事們都有同佢高手過招, 直到尋日大家終於頂唔順爆發左互相鬧爆. 我地上司話佢成日對我地好無禮貌, 同事E竟然話係我地無禮貌在先, 完全將成件事扭曲. 結果終於鬧上佢既上司果度, 今日大家就會當面對質.
有時我覺得真係人夾人緣之外, 本身修養亦都係好大關鍵. 遇著呢類人, 除左忍之外, 適當既表達不滿都係必需既. 雖然未必會令佢有所改善, 但至少俾佢一個訊息係唔係人人都要受佢氣.

2 則留言:

Agnes Tse 艾麗絲謝 說...

想知道下集大結局點收科!

匿名 說...

我上司是港女 40岁 好难相处 说话 做事情完全不尊重人的
比如 她给我配个电脑 我说好大哦 她说你肯定不可能跟我一样
或者她昨天说的 今天变了 你再问 她就说 我说的你没听啊

还有 他对我说 你以前什么烂公司啊 你公司拦得很 你基础差得很 你读的什么书

所以 我走了 顶不顺了...这样公司没前途的 一手遮天