2008年1月9日

我用七十蚊買垃圾

經過某討論區既版友多番引誘下, 都係忍唔住去左旺角.......

用左七十幾蚊做左一次唔係幾正確既交易.
就係買打口碟!
一直我都幾抗拒買打口碟, 一來明知呢D碟既來源, 二來要買都買左, 唔需要等打口碟. 不過今次因為片目實在唔錯. 主要係環球同霍士既日本版2區DVD, 日本版向來係包裝精美, 品質唔差見稱. 今回更加因為大部份發售既屬於1,2,3區共用拷貝既片目即係都擁用中文字幕. 以每張售價$28黎睇, 確係幾吸引. 所以我都執左兩隻: 踎底噴飯:最緊要好玩(孖碟特別版)同埋史匹堡首部電影"Duel". 前者我早有港版3區但前年錯過左台灣出既特別版, 極之遺憾, 而家只需$48就入手.
罪過罪過.

5 則留言:

艾麗絲謝 Agnes Tse 說...

Duel飛車殺機, tvb pearl N年前播過~ 電視台真係識選片.

mysimplelife 說...

記得電視播既時候只睇過一陣, 所以想睇番.

Guy 說...

難怪那店賣的日版碟那麼便宜了

這個post解答了在心裡積了多年的問題 XDDDD 謝謝!

Alex 說...

去到旺角同灣仔呢幾間既碟舖, 都可以留連好耐, 但都一直搵唔到心頭好, 就算搵到, 都覺得好似心大心細咁 (尤其見到岩井俊二早期作短片輯 (唔係煙花, 愛的綑綁果堆, 係再早期0的既), 日本標價15000yen, 佢地賣280, 係平就平, 但都一直唔落手...咁..

不過都會搵到好野既, 之前買左日版Hulk三碟大盒版, 全新, 38大元, 呢樣不得不說... 抵!!!

Guy 說...

咦,灣仔也有?大約在哪裡呢?