荒謬影話: Milk 夏菲米克的時代

第一次聽到Harvey Milk既名字係大約十年前左右, 讀左一本有關佢生平既書. 當時我都好敬佩佢, 覺得佢係同運既一個重要人物.
事隔十年, 有關佢既電影出籠, Sean Penn飾演我覺得就好似搵劉華做既一樣, 說服力減半. 尤其Gus van Sant水準不穩, 可以拍好野如"My Own Private Idaho"又或者"Elephant" .但亦可以出現驚心既"Psycho"或"Good Will Hunting". 上次拍Kurt Cobain既"Last Day"無睇到, 所以好想知佢點駕馭呢類傳記片.
結果睇完之後, 吐左一口氣. Sean Penn真係做得好好, 或者再加上建基於真實人物上, 史料令佢能更容易掌握Harvey Milk一舉手一頭足.(原來片中真實既Cleve Jones係片中史實顧問) Gus Van Sant亦都好聰明用上真實新聞片穿插其中, 令到更具震撼力.
可惜雖然講Harvey Milk最後八年既人生, 但似乎只著重左最後一兩年既鬥爭, 而忽略左之前既鋪拜, 略嫌不足. 我諗都係時候拎番本書出黎重讀一次以補不足.