地球停轉日 the day the earth stood still 1951

買左呢張BD都一段時間, 近日終於有時間去睇.
新版改編得一塌糊塗, 而家再睇番舊版, 更令新版看得更差. 舊版講反戰, 隔離鄰舍驚覺可能有朝一日一個核戰飛過黎, 所以先派人黎地球警告眾人, 仲使用少少技倆令地球停頓半個鐘去示威. 但新版既環保主題從以引到外星人毁滅地球真係實在無知到爆, 到頭來仲黎個催淚結局外加夾硬整停地球, 咁咪更加整死個地球?
講番舊版, 舊版並無太喧染外星人係如何神秘或神奇, 反而多左篇幅講"加圖"呢位外星人深入人類社區去體驗生活, 了解人類既特性. 新版中"加圖"決定毀滅地球係因為佢只係個執行者, 打從黎到地球, 已經一心去毀滅地球, 搵人類傾只係個萬份之一既轉機. 舊版反而從一開始佢都只不過係位傳話人, 佢無實權, 只係希望地球人唔好再研制核武, 否則只會連累其他星球及地球人本身. 所以就算結局中地球人咁樣對待加圖, 結果加圖都只係情深一句訓話忠告地球人, 並無話以牙還牙, 呢個更突顯地球人既劣根性, 令控訴更加強烈.
要是新版真係忠實咁改編舊版故事, 或者都可以脫離呢個極爛既境界.