愛滋味 Les Témoins

好多好多年前"野蘆葦'留下好深印象, 諗唔到舊年呢套"The Witnesses"又有另一番感受. 故事推前到八十年代, 當愛滋病剛開始擴散. 同志醫生踫上年青男, 可惜年青有耗唔盡既青春, 醫生愛不到岸. 後尾年青男戀上醫生既朋友一個有婦之夫. 已婚男好仔兩頭瞞食兩家茶禮以為執到好籌直至年青男患上愛滋. 一個病就傷害左呢四位主角既關係. 久違既Emmanuelle Beart演神經質作家演得實在太好, 就連另一位久違既Michel Blanc一樣好戲. 片中果種四角關係就好似龍卷風一樣到最後都一發不可收拾. 愛情確係無分男女老少, 但有時無私與自私只係一線之隔.