2008年3月2日

追思會的迷思

今日因為要去新屋搞清潔又發現有個鋁窗爛左叫人黎整(成個扣斷左, 窗係可以鎖, 但怕大風就成個窗扯走!), 跟住又要去買床, 朝九晚五無停過. 所以肥肥追思會直播就完全無睇過, 不過無線收費電視今晚有重播, 應該可以睇番.
追思會以我所了解係一個紀念去世左既人既儀式. 親朋好友都希望可以同其他人分享去世既人過去有過既歡樂或苦痛. 但係今日呢個追思會出現以下片段, 一個追思會變成公審批鬥大會.
家家有本難念的經. 我好相信鄭少秋一定有特定原因唔去葬禮, 而且據聞以往既娛樂新聞, 鄭少秋一向都好愛錫欣兒. 實在唔明大家會將鄭少秋塑造成負心漢?
再者鄧先生今次表現實在侮辱兼破壞左呢一次追思會既氣氛同原意. 一件普通家事硬生生被人放到上電視供全世界直播, 希望下次鄧先生唔會再鬧娛記或狗仔隊, 因為佢自己做左一件更恐佈更可恥既事.
希望欣兒努力做人好好生活落去.

2 則留言:

艾麗絲謝 Agnes Tse 說...

嘩, 變左公審, 合法批鬥...鄧光榮不嬲都有啖氣廿年吞唔落, 當年到台灣想搵官晶華算帳, 結果落荒而逃. 有機會仲唔借機宣洩!?

大狂 說...

我聽到鄧光榮咁講,真係O咗咀……