攣鳳和鳴

自"人妖打排球"之後, 泰片甚少呢類喜劇輸港. 唔係鬼片, 就係果兩位自大既彭氏兄弟泰製港片. 就似十年前港片一窩峰武俠片一樣.

好難得等到"人妖打排球"導演另一部新片, 但可惜就算一樣有港星配音, 但係就遭到港人冷落. 一陣間就落畫.

死因好簡單, 呢套並唔係純喜劇, 亦無"人妖打排球"咁自嘲味道. 雖則如此, 至少拍得活潑靈活, 並唔婆婆媽媽就算五位女角加位基界大姨媽吱吱喳喳兩大個墟, 但對白有趣但又唔俗. 不過就因為套戲太正經. 港星配音就唔能夠好似上次有爆肚既發揮. 變得正正經經.

故事講朋友們得知其中一位就快要結婚, 但發現男方可能係衣櫃基. 所以一班姊妹搵埋基界大姨媽一齊去性向大搜查. 過程係好笑, 例如蘭花手戴耳環並唔代表真係基, 反而一D行為直到爆既男人就係基. 結局真相大白, Happy Ending也! 當然話得呢套係"亞洲版色慾都市", 片中都要穿插講下五位女角既戀愛生活, 都不乏有趣既情節.

講番隻碟, 就以為亞洲影帶一定又出到隻碟鬼五馬陸, 一隻D9, 雖則又係百無版, 但有齊anamorphic widescreen, dts, DD5.1 中英文字幕, 泰粵對白. 而且畫質仲係近期所有新碟之中最靚, 不過個別場面有少少偏綠, 但情況唔嚴重.