2009年9月26日

錦"繡"雲吞


當你點菜時睇漏一個字, 真係要付出代價.
某日一班同事出外食飯, 見點心紙上有"疑似"錦鹵雲吞"就隨手一畫. 點知點心一上檯, 甜酸醬換成又有雜果又有西米既沙律醬. 是旦捉位阿姐一問: 有無甜酸醬? 阿姐答: 錦"繡"雲吞係點沙律醬! 大家即刻再望望點心紙先知上檔!
成圍檯都無人敢試, 我唯有身先士卒做白老鼠, 淨食雲吞還可以, 但配埋個沙律醬... 十個嘔! 西米沙律醬?? 食完真係叫聲:[ ]佢個街...

2 則留言:

Marcosora 說...

我前排都試過類似事件..將鷄肝睇左做鵝肝=.=

Karvitz 說...

[ ]佢個街- 個[]字應該出到街喎!:P