成為疑似患者, 家居隔離正式開始

六月我有三分二日子係病緊, 傷風咳一直都好過, 西醫中醫再西醫, 乜野型狀味道既藥丸都試過, 一日三次定一日四次, 三碗水埋一碗水. 到最後好在一星期, 率之上是期又黎過.
起初又係傷風咳, 諗住食幸福傷風素可以頂住檔, 點知越食越衰, 咳多兩錢重, 第二朝實在太病, 所以都係返唔到工. 星期一晚甚至發高燒. B出動佢殺手鐧: 退熱貼. 果然好勁! 真係退燒. 第二朝仲可以返工添, 點知當晚響公司已經發高燒, 終於頂唔順, 自己入左醫院急症室. 之但係入到急症室, 我D燒又退左, 不過佢地都為左安全計, 將我帶到隔離病房, 再由著到好似董太上身既醫生診斷我, 基本上係不停問我問題, 其中一題係: 你過去幾日有無接觸過豬流感患者? 講真, 接觸左都唔知! 結果醫生都係俾左一D藥俾我仲話如果食完藥都係未好, 就真係要到H1N1診所接受檢查.
今日, 藥又食晒, 但仍然係有傷風症狀. 咁我就帶住醫生寫俾我既轉介信去H1N1診所, 不過呢位醫生都認為可能只係普通傷風咳, 但為安全計, 我都係需要做測試與及做家居隔離三日.
諗唔到傷風可以搞咁耐...

P.S. Day 1: 去完診所再返公司執野交帶一切就返屋企, 不過返到屋企依舊要做公司野, 因為實在太忙!!