BD 愛漫遊: 瘋狂歷史遊: Mel Brooks' History of the World Part 1

Mel Brooks對於香港觀眾黎講都算幾陌生, 不過佢既作品就影響左好多觀眾. 佢對喜劇同音樂既執著, 仲有佢既瘋狂意念, 都一直影響緊住後既喜劇方向.
呢一部將人類歷史從頭瘋狂地活現一次, 由猿人到羅馬帝國, 再到法國大革命, Mel Brooks都借古諷今. 當然亦唔少得佢拿手既歌舞, 今次更加係美高梅式歌舞場面. 不過, 論整體成績就不及前作"Blazing Saddles"甚至破格"Slient Movie". 前者徹底地玩轉西部片, 尤其尾場一班西部人物從片場佈景走到現實社會, 玩味十足. 後者破天荒係真正默片, 全片無對白, 只用字幕交代劇情.
可惜佢地電影暫時只推出左三部BD, 香港行貨更就只有兩部. 論收復程度, 呢部都甚為滿意. 再加上有幾多特別收錄, 算做一個唔錯既收藏.