舊瓶舊酒

相隔多年,
Coldplay又有新作. 新single "Speed Of Sound"確令我期待十足.

可惜但又係舊瓶舊酒. "Speed Of Sound"俾我感覺好似Pet Shop Boys. 跟住既兩首歌,

更加令我感覺佢地停留在前兩隻前. 完全無跳出原有個框框. 真係好擔心佢地隻新大碟會係個災難.

愛的音訊

都十年, 終於要作個了斷.
十幾年黎, 欠下既咭數債務終於變成天文數字, 自己本人已經唔可以獨力承擔. 原本唯一既出路係破產.
但係B願意為我做債務重組, 我實在感動到喊左幾晚. 報恩係老土既名詞但卻係我必要做既事.
過去任性揮霍, 追尋虛無飄渺既物慾同理想. 今次終於想通.
情人不計較以往無私去幫你, 愛既真實一面就咁展現.

你今日download左未?

網上賣歌已經有左好多年, 但我今日先第一次試. 目標係Janice衛蘭既 "大哥" !
因為呢隻歌仲未正式發行, 所以只能夠響電台上聽到. 但作為一個樂迷, 好歌係無價既. 所以當知道呢個網站可以率先下載呢隻歌, 我就決定一試. 代價都係十大圓.
過程中比想像中簡單, 就好似上網買戲飛一樣. 你仲可以遲D得閒先下載, 相當user friendly.
但因為版權問題, 隻歌只可以過落mp3機三次. 不過我相信呢隻歌會停留響我架mp3機一段長時間.

夕陽平常事

最愛最後兩段:

好風景多的是　夕陽平常事
然而每天眼見的　永遠不相似


夕陽無限好 陳奕迅

作曲:Eric Kwok
填詞：林夕

多經典的歌后　一剎眼已走
纏綿著青蔥的山丘　轉眼變蟻丘
這個剎那宇宙　拒絕永久
世事無常還是未看夠　還未看透

多好玩的東西　早晚會放低
從前並肩的好兄弟　可會撐到底
愛侶愛到一個地步　便另覓安慰
枉當初苦苦送禮　最艷的花萎　最後化爛泥

夕陽無限好　天色已黃昏
本想去憑愛　去換最燦爛一生
想不到長吻　帶來更永恆傷感
夕陽無限好　卻是近黃昏
高峰的快感　剎那失憾
風花雪月不肯等人　要獻便獻吻

多風光的海島　一秒變廢土
長存在心底的傾慕　可會夠細數
每秒每晚彷似大盜
偷走的青春一天天變老
只可追憶到　想追追不到

夕陽無限好　天色已黃昏
本想去憑愛　去換最燦爛一生
想不到長吻　帶來更永恆傷感
夕陽無限好　卻是近黃昏
高峰的快感　剎那失陷
風花雪月不肯等人　要獻便獻吻

好風景多的是　夕陽平常事
然而每天眼見的　永遠不相似

藍色雨傘

我有一把百事達影視店的藍色雨傘. 一直都是我的最愛, 因為它又大又堅固. 所以外出都鍾意呢把雨傘.
但係今日跟B去診所, 離開時我見藍色傘就攞走. 直至差唔多番到屋企先發現我既百事達藍色大傘變成了IKEA小藍傘. 我諗應該係響診所同其他人掉轉左.
百事達既離開可能係上天安排.

sky@Lamma

無電視既日子

唉, 唔知係咪一夜雷兩, 屋企個有線電視壞左. 成個朝早都係"無訊號". 要等聽日先有人黎整. 睇黎未來呢24小時, 無電視既日子, 原來又唔係真係咁差. 只係無新聞睇之嘛. 睇怕係時候裝番寬頻電視.

網上妖怪

剛得知又一webcammer結束佢既網上日記. 理由係健康問題同生活得唔快樂. 佢亦慨嘆現今既blog潮流.
佢既暫時離開確係令人可惜, 但眼看網上webcammer呢種活動漸見式微, 其實網上生活係咪進入左另一個時代:從網上偶像變成現今網上只有妖怪或只有單向?

工作的意義

只係一封小小電郵, 只係一個簡單既請求. 但想唔到牽連會咁大.
再加上俾人乘虛而入加鹽加醋無限發大, 結果問題一發不可收拾.
由香港到印度到英國, 我地老細既無限擺款, 英國頭頭既連番質問. 真係有點透唔到氣
情緒都跌到新低點.
今日響公司男厠內同同事一番話, 令我反醒返呢份工既意義....
"做左一年都係呢個台?"
有D無奈... 我好想講, 唔係一年, 係巳經兩年多.
曾經喜愛呢份工作(老細愛用事業career黎形容), 可惜現在我只係無奈被困.

Britney Spear陪你叫雞

尋晚去左Kenny Roger's Roasted Chicken食飯. 以前去銅鑼灣果間, 好似係最正宗, 放既係Kenny Roger既music video同歌曲. 但今次去太古城呢間, 大電視放既係無線播映中張國榮既倩女幽魂, 歌曲係播放Britney Spear. 差D雞都唔想食.
好彩食物依舊好食, 尤其沙律! 不容錯過.

我的HKIFF 2005 (Day 6)

Day 6
Simon

年年電影節都發生, 基佬錢易呃, 都唔駛年年都黎呃一次. 舊年His Brother己經上左一次檔. 今年又有一套.
Simon, 在場百幾個基佬都有同一個想法: 乃野! 想唔到從小冊子上基蹤處處變成女人奶奶大觀.
基佬意外地撞上政冶不正確既粗豪直男, 仲跟佢出相入對, 漸漸溶入直男既複雜生活. 多年後再次遇上直男, 但對方已變成絕症病人. 但基佬仍同佢走埋人生最後一程.
完全係舊年His Brother翻版, 前半段講直男既淫盪人生係幾好笑, 但一去到尾段重回現實, 就開始拖慢, 甚至係一個"拖"字. 沉悶不堪. 慶幸全片描寫各人性格各有突出, 挽回不少分.

我的HKIFF 2005 (Day 5)

Day 5
Melinda and Melinda

學B話齋: 無Woody Allen演出既Woody Allen電影真係好悶.
今次阿叔無份演, 反而有笑星Will Ferrell. 一個故事兩種表達, 確係有D亂. 雖然中心仍然想係幽默, 但果段慘情野太嚴肅, 真係唔多同喜劇果part拍得埋. 喜劇果part反而有驚喜. Will Ferrell太搶!
今次好似係Woody Allen精選, 有早期既言情作品, 亦有近年既都市喜劇. 可惜太亂, 大打折扣.

今次仲係第一次睇見有人買晒熱狗加汽水睇入場睇電影節!