我的HKIFF 2005 (Day 6)

Day 6
Simon

年年電影節都發生, 基佬錢易呃, 都唔駛年年都黎呃一次. 舊年His Brother己經上左一次檔. 今年又有一套.
Simon, 在場百幾個基佬都有同一個想法: 乃野! 想唔到從小冊子上基蹤處處變成女人奶奶大觀.
基佬意外地撞上政冶不正確既粗豪直男, 仲跟佢出相入對, 漸漸溶入直男既複雜生活. 多年後再次遇上直男, 但對方已變成絕症病人. 但基佬仍同佢走埋人生最後一程.
完全係舊年His Brother翻版, 前半段講直男既淫盪人生係幾好笑, 但一去到尾段重回現實, 就開始拖慢, 甚至係一個"拖"字. 沉悶不堪. 慶幸全片描寫各人性格各有突出, 挽回不少分.