Four Season....

咪誤會, 我唔係講緊果間六星酒店. 而係最近公司附近開左間熱狗店, 主打熱狗外仲有墨西哥食品.
講起墨西哥食品, 之前都只係食過幾次, 所以實在唔知呢間是否正宗. 今次叫左半份沙律再加個墨西哥辣肉醬意粉. 連汽水四十四蚊, 價錢都ok.半份沙律都算幾大份, 當日沙律係青蘋果, 完全岩晒口胃. 意粉雖然係番叮但質量唔差, 肉醬亦夠辣(食得我滿頭大汗!), 味道亦都好好.
呢間舖頭因為太細, 所以只得三張椅, 主打外賣. 我諗我會食回頭, 下次必試熱狗!