2008年7月23日

新芒

失眠左兩晚, 前晚終於有覺好瞓, 但點知大清早B話部座檯電腦無畫面, 結果又要起身睇睇乜事. 原來電腦係著住但個LCD顯示器就無野睇, 以為又係部電腦既問題. 但係當我將另外一部手提電腦駁去個LCD顯示器時一樣無畫面, 但因為太過未瞓醒無乜知覺所以話等我問下人先決定下一步, 番到公司問IT部既朋友K, 佢話可能係條cable問題, 問網上朋友佢地又話可能係display card問題. Cable有問題都話容易, 屋企都有條後備cable, 但係display card有問題, 邊度搵張display card呢?
尋日早走急急腳番到屋企再用條新cable試下將手提電腦駁去個LCD 顯示器, 仍係無畫面. 用左五年既Philips LCD 顯示器宣報玩完!
好野! 終於有新"芒"用! 走去屋企附近間"蜂窄", 款式好陳舊, 新款既又賣貴外面百幾蚊. 所以夜晚同B出去太古城既"蜂窄"買, 睇中左部LG有現貨兼仲平左百六銀. 拿拿臨抬機番屋企.
之前用左咁多年17" 4:3 "芒", 突然轉19" 既16:10 "芒", 兩個人都有D唔慣. 尤其B話個螢幕大左但D字就細左, 佢老花要我將個"芒"擺前D.
雖然有新"芒"用, 但呢筆錢原本今個周末去買數碼電視機頂盒, 睇黎又要等下先得.

沒有留言: