初試"慘仔"米線

尋日上完果個N97工作坊之後, 行過油麻地見網上聞名既"慘仔"... 譚仔米線, 見唔多人又見少少肚餓, 就決定試一試.
食過好多間米線, 似乎都未試遇到過一間真係好食, 唔係味精超標就係配料求其. 見"慘仔"米線配料有豬潤我簡直兩眼發光. 不過又見其他配料都吸引, 結果唔駛諗叫左個過橋米線餐.個米線一上檯, 真係目定口呆... 好........大..........碗........呀! 簡直係二人前. 我食左一半時心不斷諗: 點解食極都食唔完既?
不過配料唔錯, 再加上可以自調酸辣程度, 非常稱心. 四十零蚊又真係幾超值尤其如果真係二人分享! 下次都係叫個細再加土匪雞翼就算.