我的HKIFF (Day 1)

俗語有云: 屋企無個女人係唔掂架! 所以老母去左, 兄弟老豆都將細仔當女養. 家頭細務一手包辦不在話下, 老豆仲俾錢佢買花戴.
後來仲迷上救命恩人警察大哥哥, 送飯調情樣樣齊. 可惜人在江湖生不由己. 一家大細都係撈偏門. 好難同皇氣門當户對. 老豆捧打鴛鴦, 再加上直男係永遠好難被拗攣.
後段變得公式得可怕, 阿仔招惹官飛結果子債父還並唔係重點. 後來蜜詩見警察大哥哥如見陌路人才是成長既一課! 12歲? 都係大個D先算!

蜜詩成熟時 The Blossoming of Maximo Oliveros