恃老賣老

有時, 敬老同公平真係好難共存. 尋晚放工等巴士返屋企時, 有兩位五六十歲既師奶突然插隊企響我後面. 因為後面至少仲有六七十人排響我後面, 基於公平我就同兩位師奶講: 龍尾響後面. 但呢兩位師奶話岩岩排錯隊, 等條龍上晒車先排尾.
ok, 就俾佢地企響側邊等.
點知巴士一到, 呢兩位師奶竟然跟住我地準備上車. 後面有人睇唔過眼, 大聲喝止: 喂! 排隊啦, 咪以為老成機打尖. 兩位師奶亦不甘示弱, 邊行邊大罵: 駛唔駛咁大聲呀, 咁咪俾你上車先啦.
結果兩位插隊既師奶亦打尖成功優先上到車. 可憐龍尾既十幾人要繼續等.
無錯,我地係要敬老. 但如果有人為左拎著數而恃老賣老, 我會覺得...你點解唔早D死?