我以港人為恥

每次聽到話香港人唔好, 總有人話係D大陸人差落左黎香港搞差香港.
但現在我好相信, 呢個只不過係香港人自圓其說, 為左掩飾自己既惡行.
今日路過旺角, 走進間越南餐廳食午飯. 午飯時間特別多人, 我被編到近門口既一張檯坐. 雖然近門口, 但見玻璃門關上, 可以阻隔街外熱氣同車來車往既污塵. 我先無異議.
跟住每每有客人進出, 都無人願意順手閂門. 頭一兩次我仲可以起身閂門, 跟住我只好同店員話請佢地閂門, 但佢地都唔係幾願意閂門. 到最後我忍唔住同一個岩岩入黎但又唔閂門既肥仔講:可唔可以順手閂門? 佢望一望我千萬個唔願意咁閂門.
原來公德心呢樣野, 響香港一早死左八九成. 只係閂門小小動作, 又可以防止冷氣流失, 又可以阻隔煙塵. 香港人都寧死唔做! 可恨沙士無滅左香港, 可恨負資產只能令到少部份炒家跳樓死. 我寧願香港可以死過翻生, 重新教育一班有教育過既市民.
我以港人為恥! 如果有人問我係乜野人? 我寧答:我係華人. 死口不認香港人.